Þá er maímánuður gengin í garð.  Við höfum verið meira úti en undanfarna mánuði og finnst börnunum það mjög skemmtilegt.  Sumir vilja helst ekki koma inn í matar og kaffitímum.  Hjólin eru mjög vinsæl en einnig kastalinn og rólurnar.  

Það er mikilvægt að koma með sólarvörn fyrir börnin og geymi í hólfunum þeirra.  Foreldrar bera á börnin á morgnanna síðan setjum við á þau eftir hádegið.

Síðastliðin föstudag var opið hús og þá komu foreldrar og aðrir velunnarar í heimsókn.  Það var mjög skemmtilegt, við fengum líka til okkar börn sem byrja í haust og þau skoðuðu leikskólann og hittu önnur börn og foreldra.  

Í dag (þriðjudag) var farið í sveitaferð að Grjóteyri sem foreldrafélagið skipulagði, við skoðuðum dýrin, fengum grillaðar pylsur og lékum okkur í leiktækum.  Einnig voru traktorar, gröfur og fjórhjól á staðnum sem vakti mikla lukku hjá börnunum.  Það var mjög góð mæting hjá foreldrum og allir nutu sín í botn.

Við stefnum á að fara í gönguferð útfyrir leikskólalóðina á næstunni og kíkja kannski á leikvelli í nágrenninu.