Nánar: Greinaflokkur: Nám og leikur; Birt þann 19. Október 2015; Skoðað: 3617

Hér má nálgst Starfsáætlun Hólaborgar 2017-2018

Hér má nálgast Starfsaeatlun_leikskola_form _2016_2017.pdf fyrir leikskólaárið 2016-2017.

Hér má nálgast Starfsaeatlun Hólaborgar.pdf fyrir leikskólaárið 2015-2016.

Nánar: Greinaflokkur: Nám og leikur; Birt þann 16. Febrúar 2015; Skoðað: 3560

Málrækt er rauður þráður í gegnum alla leikskólagönguna. Starfsfólkið nýtir öll tækifæri sem gefast í daglegum samskiptum til að kenna ný orð og hugtök og efla málvitund barnanna. Leitað er leiða til að styrkja móðurmál barnanna og við sýnum því áhuga og virðingu. Við samþykkjum ólíkar leiðir og sköpum sameiginlega ábyrgð

um læsi allra barna og vilja til að styrkja virkt tvítyngi. Börn eru í eðli sínu miklar félagsverur og hafa ríka þörf á að eiga í samskiptum. Þau spyrja spurninga, skiptast á skoðunum og ræða hugmyndir sínar og líðan. Þau nota ýmsar leiðir til að tjá sig en auk tungumálsins nota þau meðal annars ýmis hljóð, snertingu, látbragð, leikræna tjáningu, myndlist, tónlist og dans. Það er mikilvægt að lögð sé áhersla á góð og gefandi samskipti í leikskólanum og að færni barna í læsi í víðum skilningi sé eflt á fjölbreyttan hátt með það að markmiði að efla sjálfsmynd hvers barns og styrkja það félagslega.

MÁLRÆKTARMARKMIÐ HÓLABORGAR ERU ÞESSI:

• Að allir fái að njóta sín í gefandi og uppbyggilegum samskiptum.

• Að efla hlustun, máltjáningu, orðaforða, málskilning og hljóðvitund.

• Að fylgst sé með því að öllum fari stöðugt fram og unnið sé með hvert barn þar sem það er statt hverju sinni.

• Að börn með annað móðurmál en íslensku þrói með sér virkt tvítyngi og öðlist þannig færni í að viðhalda og efla móðurmál sitt um leið og þau ná árangri í íslensku.

• Að börnin upplifi tilgang og gildi ritmáls og læsis til gagns og gleði.

• Að styðja fjölskyldur í að viðhalda og efla móðurmál barna sinna.

Kennum gott með góðu

Nánar: Greinaflokkur: Nám og leikur; Birt þann 16. Febrúar 2015; Skoðað: 3210

Í Hólaborg er mat á námi og velferð barna unnið á margvíslegan hátt, þar á meðal er notast við uppeldisfræðilegar skráningar sem unnar eru af öllu starfsfólki leikskólans. Þessum skráningum er safnað í ferilmöppur sem allir hafa aðgang að. Í ferlimöppum eru meðal annars skriflegar skráningar, myndrænar skráningar og teikningar barnanna. Ferilmappa gefur upplýsingar um framfarir barna og líðan og hvetur þannig til að virðing sé borin fyrir sérstöðu hvers og eins.

Uppsetning ferilmappanna er í þróun og tekur breytingum á hverri önn. Nú er verið að vinna í því að hafa þær aðgegnilegar fyrir börn og fjölskyldur og þannig gefa börnunum tækifæri til að endurupplifa, skoða og túlka eigin framfarir og fá staðfestingu eða leiðrétta sjálft sig.

Nánar: Greinaflokkur: Nám og leikur; Birt þann 16. Febrúar 2015; Skoðað: 3881

Í sköpun felst kraftur sem veitir lífshamingju. Sköpun er mikilvæg fyrir alhliða þroska barna og við þurfum skapandi hugsun til að verða heilsteyptir einstaklingar. Í sköpun þarf að nota ímyndunaraflið og forvitnina til að sjá nýjar og frumlegar leiðir, til að leita eftir áhugaverðum möguleikum og gera tilraunir. Skapandi starf beinist að ferlinu sjálfu en ekki afurðinni hverju sinni þar sem hugmyndir, tilfinningar, gleði og ímyndun fá að njóta sín. Sköpun örvar gagnrýna hugsun og byggir á og hvetur til forvitni og áskorana. Með skapandi starfi eykst sköpunarþrá sem stuðlar að frumkvæði, námsáhuga og lausnamiðaðri hugsun sem leiðir til þekkingar og leikni eykst.

SKÖPUNARMARKMIÐ HÓLABORGAR ERU ÞESSI:

• Að forvitni barna og starfsfólks sé viðurkennd.

• Að frelsi sé til að fara ólíkar leiðir að sama takmarki.

• Boðið er upp á að vinna með margvíslegan og opinn efnivið.

• Að starfsfólk komi til móts við þarfir allra barna með ólíkum kennsluháttum.

• Að börnin njóti þess að taka þátt í skapandi ferli, finni ánægju og gleði yfir eigin sköpunarkrafti.

• Ímyndunarafli barnanna er leyft að njóta sín og forðast er að nota efnivið með fyrirfram ákveðnum lausnum.

Kennum gott með góðu

Nánar: Greinaflokkur: Nám og leikur; Birt þann 16. Febrúar 2015; Skoðað: 3238

Í Aðalnámskrá kemur fram að börn eigi að vera þátttakendur í því að móta eigin veröld, þar sem rödd þeirra hljómar og á hana hlutstað og tekið er tilliti til skoðana þeirra. Þess vegna þurfi leikskólakennarar að ætla sér tíma til uppeldislegra skráninga og athugana, bæði með einu barni og í barnahóp.

Starfsfólk Hólaborgar er að þróa sig í að gera skráningar en skráning getur farið fram með margvíslegum hætti. Notuð eru upptökutæki, myndavélar, myndbandsupptökuvélar og minnisblöð. Þegar gerðar eru skráningar þarf kennarinn að horfa á börnin vinna og hlusta á þau, virða skoðanir þeirra og þróa starfið út frá forsendum barnanna. Þegar gerð er skráning á að skoða hvað kann barnið, hvernig það lærir og hugsar. Kennarinn þarf að hafa í huga að ákveða ekki niðurstöðu skráningarinnar áður en barnið lýkur við verkefnið. Kennarinn þarf að skoða hvort barnið njóti alls þess efniviðar sem tiltækur er í leikskólanum og hafa hugfast að barnið sér allt annað en það sem kennarinn er búin að gera sér hugmyndir. Skráning veitir ekki síst kennaranum tækifæri til að skilja hvað börnin hugsa og hvað þau eru að uppgötva í leik og starfi alla daga.

Þá veitir skráning möguleika á skipulagi innra starfs og eykur þekkingu og yfirsýn sem síðan er nýtt til þróunar. Skráningaraðferðin gerir innra starf leikskólans sýnilegra og getur þannig verið verkfæri til að breyta skólastarfinu.

Undirflokkar

Námskrá Hólaborgar

Leikskólinn Hólaborg

Suðurhólar 21, 111 Reykjavík
Símar: 4113210 / 8972288
holaborg@rvkskolar.is
Sendu okkur póst
Innskráning

Starfsáætlun

Málrækt

Ferilmöppur

Sköpun

Skráningar

Undirflokkar

Námskrá Hólaborgar

Leikskólinn Hólaborg